Toyota geljekki elektrik ulaglarynyň (Lexus awtoulaglaryny hem goşmak bilen) NACS (Tesla North American Charging Standard) zarýad beriji birikdirijilerini ulanjakdygyny mälim etdi.
“Toyota dürli elektrik energiýasy bilen işleýän görnüşleri hödürleýän ulagy elektrikleşdirmek strategiýasyna laýyklykda, Toyota-nyň we Lexus-yň müşderilerine Demirgazyk Amerikanyň hemme ýerinde 12 000-den gowrak Tesla Supercharger stansiýalary elýeterli bolar” - diýip, Toyota habar berdi.
Kompaniýa NACS birleşdirijisiniň 2025-nji ýyldan başlap käbir Toyota elektrik ulaglarynda peýda boljakdygyny we CSS birikdirijili häzirki elektrik ulaglarynyň bolsa 2025-nji ýylda ýörite adapter ulanyp, Tesla Supercharger bilen sazlaşykly boljakdygyny aýtdy.
Öz ulaglaryny NACS birleşdirijisine geçirýän diňe bir Toyota däl. Bir hepde mundan öň BMW hem bu barada yglan etdi, ýöne, umuman alanyňda, General Motors-yň, Mersedes-Benz-iň, Nissan-yň, Hyundai-yň, Kia-nyň we başga-da birnäçe kompaniýalayň NACS-a geçendigini habar berdiler.
