Magdan senagaty we nebit ministrliginiň metbugat sekretary Homaýun Owgan "indi ýurtda howpsuzlygyň üpjün edilendigini, Kabulyň hem TOPH taslamasy üçin ýer almak kararyna gelendigini" mälim etdi.
Ol Owganystanda bu taslamanyň durmuşa geçirilmegine Türkmenistanyň goşan goşandyny belläp, ony iş ýüzünde durmuşa geçirmäge başlamaga taýýardygyny tassyklady. "Başga bir alternatiwa tapylmasa, özümizi özümiz goldamaga taýýar" – diýip, TOLOnews ministrligiň wekiliniň sözlerini getirýär.
Owganystanda TOPH (Türkmenistan-Owganystan-Pakistan-Hindistan) gaz geçirijisiniň taslamasy ýurduň ykdysady ösüşi we ilata iş ýerlerini döretmekde möhüm taslamalaryň biri hasaplanýar.
Turbageçirijiniň Owganystandaky ugry Hyratyň, Farahyň, Nimrozyň, Gilmendyň we Kandagaryň üstünden geçýär. Turbageçirijiniň umumy uzynlygy 1814 km, şonuň 735 km-i Owganystandan geçer.
Müňlerçe adam üçin iş ýerlerini döretmekden başga-da, Owganystan bu taslamadan ýylda 400 million dollardan gowrak girdeji gazanar.
