Gridserve kompaniýasy 200-den gowrak ýurtdan ýygnalan maglumatlara esaslanyp, 2022-nji ýylda has meşhur bolan elektromobilleriň reýtingini düzdi. Kompaniýa dürli ýurtlarda elektromobiller barada internetde maglumat gözleýän adamlaryň işjeňligini hasaba aldy. Google-daky ýönekeý gözlegler hakyky satuwlara hemişe laýyk gelmese-de, bu gözleg iň bir isleg bildirilýän elektromobiller barada düşünje berýär diýip, tarantas.news belleýär.
Şeýlelikde, Tesla Model 3 20 million gözleg bilen birinji orny eýeleýär. Ikinji orunda Kia EV 6 (15,8 mln), üçünji orunda Model Y (13,9 mln) gelýär. Dördünji orunda Hyundai Ioniq 5 (12,7 mln), bäşinji orunda Tesla Model S (11,5 mln gözleg) ýerleşýär. Soňra Porsche Taycan (10,5 mln), Tesla Model X (9,5 mln), Polestar 2 (8,2 mln), Lexus RZ (7,2 mln), BMW i4 (7,1 mln) gelýär.
Köp soralýan awtomobilleriň belli bir derejede ýerli ähmiýeti bar, mysal üçin, Hindistanda öndürilen Tata Nexon Hindistanda 2 milliondan gowrak gözleg aldy. Käbir ýurtlarda elektromobillere bolan gyzyklanma has pesdir. Mysal üçin, Eýranda has meşhur bolan elektromobil BMW iX geçen ýyl bary-ýogy 10 gezek gözlenildi. Hytaý üçin netijeler Google-yň bu ýerde meşhur gözleg programmasy däldigi sebäpli pesdir. Muňa garamazdan, Tesla Model 3 has meşhur boldy, ýöne 2022-nji ýylda hakyky satuw boýunça Hytaýyň BYD kompaniýasy Tesla-dan öňe geçdi.
