Efiopiýaly ylgawçy Tigist Assefa Berlin marafonynda ýeňiji bolup, dünýä rekordyny iki minutdan gowrak wagt bilen täzeledi. Assefa 42 km 195 m aralygy 2 sagat 11 minut 53 sekuntda geçdi. Öňki rekord keniýaly Brijit Kosgeýe degişli bolup (2 sagat 14 minut 4 sekunt), 2019-njy ýylda Çikagoda (ABŞ) goýuldy.
Ikinji orny keniýaly Şeýla Çepkirui eýeledi, ol Assefadan tas 6 minut yza galdy, üçünji orna Tanzaniýadan Magdalena Şauri mynasyp boldy.
Öň, Assefa orta aralyklarda çykyş edýärdi, marafona bolsa diňe geçen ýylyň aprel aýynda gatnaşyp başlady.
Erkekleriň arasynda ylgawda keniýaly Eliud Kipçoge (2 sagat 2 minut 42 sekunt) ýeňiji boldy, ol Berlinde rekord bäşinji ýeňşini gazandy.
Berlin marafony 1974-nji ýyldan bäri geçirilýär.
