31-nji awgustda geçirilen Hökümet mejlisiniň barşynda Prezident Serdar Berdimuhamedow Türkmenistanyň Halk Maslahatynyň sentýabr aýynda geçiriljek mejlisine talabalaýyk taýýarlyk görmegiň zerurdygyna ünsi çekdi.
Hökümet mejlisiniň barşynda Mejlisiň Başlygy D.Gulmanowa ministrlikler, pudaklaýyn dolandyryş edaralary, häkimlikler hem-de iri jemgyýetçilik guramalary bilen bilelikde, Halk Maslahatynyň mejlisine taýýarlyk görmek boýunça alnyp barylýan işler barada maglumat berildi.
Mejlisiň Başlygynyň hasabatynda şeýle hem Parlamentara gatnaşyklary giňeltmegiň çäklerinde Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri, şeýle hem ABŞ-nyň Kongresiniň Wekiller palatasynyň wekiliýeti bilen duşuşyklaryň geçirilendigi bellenildi. Mundan başga-da, Jynsy kemsitmeleriň ähli görnüşlerini ýok etmek hakynda Halkara konwensiýasynyň kadalarynyň ýerine ýetirilişi boýunça geçirilen çärä gatnaşmak üçin Mejlisiň deputaty ýurdumyzyň wekiliýetiniň düzüminde Ženewa şäherinde iş saparynda boldy.
