Birleşen Milletler Guramasynyň Ösüş Maksatnamasy Bütindünýä Banky tarapyndan maliýeleşdirilýän “Türkmenistanda COVID-19-a garşy göreş” maksatnamasynyň çäklerinde nobatdaky lukmançylyk serişdelerini ugratdy. Bu barada Turkmenportal habar berýär.
Hususan-da, ganyň umumy, biohimiki we immunoferment barlagy, ganyň toparyny kesgitlemek üçin kliniki barlaghana reaktiwlerini, laboratoriýa boýaglary, şeýle hem laboratoriýa seljerijileriniň işini kalibrlemek üçin jemi bahasy 454 540 amerikan dollaryna barabar bolan reaktiwler Türkmenistana gowşuryldy. Bu barada BMGÖM-iň sosial ulgamlarynda habar berildi.
Getirilen serişdeler Türkmenistanyň Saglygy goraýyş we derman senagaty ministrligine geçirildi. Reaktiwler soňra ýurduň lukmançylyk edaralarynyň arasynda paýlanar.
