Saud Arabystanynyň «Al-Nasr» futbol klubunyň portagaliýaly hüjümçisi Kriştianu Ronaldu «Altyn top» baýragyny guramaçylaryň adalatlylygyna şübhelenýändigini aýtdy.
«Meniň üçin bu galp», – diýip, futbolçy şu ýyl baýrak üçin iň esasy dalaşgärler barada berlen soraga jogap berdi. Onuň bu sözlerini portugaliýanyň Sport TV kanaly X sosial sahypasynda paýlaşdy.
Mundan ozal, France Football fransuz neşiri 2024/25 möwsüminiň iň gowy futbolçysy adyna dalaşgärleriň sanawyny çap etdi. 30 dalaşgäriň arasynda Fransiýanyň «Paris Sen-Žermen» klubundan birbada dokuz futbolçy bar.
Baýrak gowşurylyş dabarasy 22-nji sentýabrda Parižde geçiriler.
40 ýaşly Ronaldu karýerasynda bäş gezek «Altyn top» baýragyny aldy (2008, 2013, 2014, 2016 we 2017). Ronaldudan köp bu baýragy diňe Messi aldy. Argentinaly futbolçy sekiz gezek "Altyn topa" mynasyp boldy.
