Futbol boýunça Angliýanyň milli ýygyndysynyň öňki kapitany Dewid Bekhem Golliwudyň «Şöhrat alleýasynda» ady ýazylan ýyldyza eýe bolar. Bu barada Holliwudyň Söwda palatasy habar berdi.
Ýyldyzyň açylyş dabarasy 12-nji iýunda Los-Anjeles şäherinde bolar. Bu dabaraly çärä Bekhemiň aýaly —aýdymçy we dizaýner Wiktoriýa Bekhem, şeýle hem aktýor Tom Kruz gatnaşar.
Dewid Bekhem özüniň professional karýerasyny 2013-nji ýylda tamamlapdy. Ol oýunçy hökmünde «Mançester Ýunaýted», Madridiň «Realy», «PSŽ», «Milan» we «Los-Anjeles Gelaksi» ýaly öňdebaryjy klublarda çykyş etdi.
Klublaryň düzüminde Bekhem alty gezek Angliýanyň çempiony boldy, Ispaniýanyň we Fransiýanyň çempionatlarynda, şeýle hem Çempionlar ligasynda ýeňiş gazandy. Ýarymgoragçy Angliýanyň milli ýygyndysynda jemi 115 duşuşyga gatnaşyp, alty ýyl toparyň kapitany hökmünde meýdança çykdy.
2018-nji ýylda Bekhem MLS-iň «Inter Maýami» klubunyň eýelerinden biri boldy. Häzirki wagtda bu toparda «Altyn topuň» sekiz gezek eýesi Lionel Messi çykyş edýär.
