Sent-Luisdäki Waşington uniwersitetiniň alymlary yşyk-diodly çyzgylary çyzmaga niýetlenen şarikli ruçkalar üçin özboluşly syýa oýlap tapdylar. Çyzgyny islendik tekizlikde, şol sanda çeýe üstler-de hem çyzyp bolar. Bu barada New Atlas neşiri habar berdi.
Gözleg işleri bilen dosent Çuan Wang we aspirant Szýunyi Çžao meşgullandy. Öň olar struýaly printerler üçin yşyk-diodly syýa döredipdiler, ýöne olar şarikli ruçkalara laýyk gelmändir. Şeýlelik bilen, alymlaryň golýazma üçin amatly we ýüzüne ýaýramaýan ýa-da ony zaýalanmaz ýaly syýa döretmek maksady bardy. Netijede şeýle sazlaşyk saýlanyp alyndy.
Yşyk-diodly syýa döretmek üçin üç görnüşli syýa zerur: anod, şöhlelenýän gatlak we katod üçin – olar biri-birine garyşdyrylmazdan ulanylýar. Bir reňkde geçiriji polimerler, beýlekisinde metal nanosimler, üçünjisinde perowskit kristal materiallary bar.
Alymlaryň pikiriçe, boýalan yşyk-diodly indikatorlar uzalyp bilýär we elektrik toguna birikdirilende dürli reňkleri çykaryp biler. Şeýle hem, olar azyndan 10 müň gezek ýakylmaklyga çydamly we 15,225 cd / m2 ýagtylygy bar.
Gözlegçiler döreden yşyk-diodly lampalarynyň lukmançylykda, okatmakda, “akylly” gaplamalarda, gutlag otkrytkalarynda ýa-da ýagty saçýan eşiklerde ulanylyp bilinjekdigini bellediler.
