2023-nji ýylyň mart-iýul aýlarynda Türkmenistan Eýrana umumy bahasy 11,1 mln dollardan gowrak bolan 10,6 müň tonna golaý haryt eksport etdi diýip, Eýranyň gümrük müdirligi habar berýär. Muny Orient ýetirýär.
Dünýäde pandemiýa tamamlanandan soň, ykdysady amallaryň janlanmagy, şeýle hem iki ýurduň dürli ulgamlarda, aýratyn hem, energetika, oba hojalygy we ulag-logistika ulgamynda hyzmatdaşlyk etmäge gyzyklanmasynyň artmagy netijesinde ýurtlaryň arasynda haryt dolanyşygy artýar.
Iki ýurduň eksport-import gatnaşyklarynyň möçberiniň artmagyna beýleki görkezijiler hem şaýatlyk edýär: ýyllyk aňlatmada Aşgabat bilen Tähranyň haryt dolanyşygy takmynan 3% möçberinde ösüşde.
