Aşgabat şäheriniň «Çoganly» ýaşaýyş toplumynda döwrebap medeni-dynç alyş seýilgähi gurlar. Türkmenistanyň Içeri işler ministrligi seýilgähiň taslamasyny düzmek hem-de ony ýanaşyk ýerlerini abadanlaşdyryp gurmak barada «Nowa hyzmat» hususy kärhanasy bilen şertnama baglaşar.
Munuň üçin ygtyýar berýän degişli Karara Türkmenistanyň Prezidenti gol çekdi.
Resminama laýyklykda, «Nowa hyzmat» hususy kärhanasy seýilgäh üçin elektrik, suw üpjünçiliginiň hem-de lagymyň içerki we daşarky eltiji inženerçilik ulgamlaryny hem-de desgalaryny gurmak we umumyşäher ulgamyna birikdirmek işlerini ýerine ýetirer.
Gurluşyk işlerine 2023-nji ýylyň awgust aýynda başlamak we medeni-dynç alyş seýilgähini 2025-nji ýylyň awgust aýynda ulanmaga doly taýýar edip tabşyrmak bellenildi.
