Türkmenistan 2024-nji ýylda hem Gyrgyzystana elektrik energiýasyny ibermekde öňdebaryjy ornuny saklap galar. Gyrgyzystana türkmen elektrik energiýasynyň eksporty 1,7-den 2 mlrd kWt/sagada barabar bolar diýip, Aki press agentligi Gyrgyz Respublikasynyň energetika ministri Taýalbek Ibraýewiň sözlerine salgylanyp habar berýär.
Brifingde žurnalistleriň soraglaryna beren jogabynda, ministriň habar bermegine görä, Türkmenistandan soň Russiýa ýerleşýär, ol ýurda 1,5 mlrd kWt/sag elektrik energiýasyny iberer.
Häzirki wagtda Gyrgyzystan tomus möwsüminde elektrik energiýasynyň sarp edilişiniň çäklendirilmegi sebäpli onuň importyny bes etdi. TÄze satyn almalar şu ýylyň sentýabr aýynda başlanar. Eksport Respublikanyň energiýa ýetmezçiliginiň 3 mlrd kWt/sag töweregini üpjün eder.
«Biz şu ýylda elektrik energiýasyny import etmek hakynda şertnama gol çekdik. Biz tomusda elektrik energiýasyny import etmeýäris, çünki bu döwürde olar ýaly sarp edişlik ýok. Biz elektrik energiýasynyň importyny sentýabrdan dekabr aralygynda amala aşyrýarys» - diýip ministr belledi.
