30-njy iýunda türkmen halkynyň Milli Lideri Gurbanguly Berdimuhamedow haj däp-dessurlaryny amala aşyryp, mukaddes Mekge şäheriniň ajaýyplyklary, binagärlik desgalarynyň aýratynlyklary bilen tanyşdy.
Türkmenistanyň Halk Maslahatynyň Başlygy Gurbanguly Berdimuhamedow «Arkadag» teleýaýlymynyň gepleşiklerine, onda görkezilýän dürli şekillere tomaşa etdi. Soňra Gurbanguly Berdimuhamedow dünýäde iň uly Al-Haram metjidine bardy.
Gurbanguly Berdimuhamedow we Türkmenistanyň wekiliýetiniň agzalary keramatly metjitde juma namazyny okadylar. Türkmen halkynyň Milli Lideri bu ýerde Türkmenistandan gelen zyýaratçylaryň, ýurdumyzyň wekilçilikli toparynyň we özüniň maşgala agzalarynyň hem-de Saud Arabystany Patyşalygynyň resmi wekilleriniň gatnaşmagynda gurbanlyk sadakasyny berdi.
Türkmen halkynyň Milli Lideri şu günler mukaddes toprakda Türkmenistandan gelen zyýaratçylaryň 2,5 müňe golaýynyň haj parzynyň dessurlaryny ýerine ýetirýändiklerini aýtdy.
Gurbanlyk sadakasynda tebärek çykylyp, ýagşy doga-dilegler edildi. Soňra gurbanlyk sadakasyna gatnaşyjylara nahar çekildi.
Gurbanlyk sadakasynyň ahyrynda Gurbanguly Berdimuhamedow hemmelere minnetdarlyk bildirip, mukaddes toprakda berlen sadakalaryň, zyýaratlaryň we ýagşy dilegleriň Beýik Biribaryň dergähinde kabul bolmagyny dileg etdi.
