Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Italiýa Respublikasynyň Prezidenti jenap Serjio Mattarella Italiýanyň ozalky Premýer-ministri Silwio Berluskoniniň aradan çykandygy zerarly gynanç hatyny iberdi.
Hatda bellenilişi ýaly, görnükli syýasatçy we döwlet işgäri bolmak bilen, Silwio Berluskoni Italiýanyň öňe gitmegine, şeýle-de Türkmenistan bilen dostlukly gatnaşyklaryň pugtalandyrylmagyna saldamly goşant goşdy.
Türkmen halkynyň Milli Lideri şu agyr pursatda merhumyň maşgala agzalaryna we dogan-garyndaşlaryna, Italiýanyň dostlukly halkyna ýürekden duýgudaşlyk bildirdi hem-de medet beriji sözlerini beýan etdi.
12-nji iýunda Milanda 86 ýaşynda Italiýanyň öňki Premýer-ministri Silwio Berluskoni aradan çykdy. Soňky ýyllarda italiýaly syýasatşynasyň saglyk ýagdaýy ýaramazlaşypdy. Ol ýürekde operasiýa geçirdi we COVID-19 bilen keselledi. Aprel aýynda metbugatda öňki Premýeriň leýkemiýa bilen keselländigi habar berildi.
