Milanda 86 ýaşynda Italiýanyň öňki Premýer-ministri Silwio Berluskoni aradan çykdy, diýip «Corriere della Sera» italýan neşiri duşenbe güni habar berdi.
Soňky ýyllarda italiýaly syýasatşynasyň saglyk ýagdaýy ýaramazlaşypdy. Ol ýürekde operasiýa geçirdi we COVID-19 bilen keselledi. Aprel aýynda metbugatda öňki Premýeriň leýkemiýa bilen keselländigi habar berildi.
Silwio Berluskoni dürli döwürlerde italýan hökümetine dört gezek ýolbaşçylyk etdi: 1994-1995-nji ýyllarda, 2001-2006, 2008-2011 we 2013-2016-njy ýyllarda. Umumylykda, ol Italiýanyň Premýer-ministri wezipesinde 10 ýyla golaý oturdy.
Forbes neşiriniň maglumatlaryna görä, Berluskoni Italiýanyň iň baý adamy boldy — onuň emlägi 2006-njy ýylda ABŞ-nyň 9 mlrd dollary möçberinde bahalandyryldy.
