Sisiliýa adasyndaky Perguza köli howanyň global maýlamagy sebäpli gurakçylykdan ýaňa gurady diýen ýaly.
Reýter agentliginiň habar bermegine görä, bu sebitdäki ýeke-täk tebigy köl. Ol 1,8 inedördül kilometr meýdany tutup, tebigy goraghananyň çägine girýärdi. Perguza göçegçi guşlaryň möhüm dynç alyş ýeridi.
“Doly guramagy we güýzde suw ätiýaçlygynyň üstüni dolduryp bolmazlyk, hakykatdanam, pajygaly bolar. Howanyň üýtgemeginiň täsir edýändigini boýun almalydyrys. Ol düzedip bolmajak zyýan ýetirip başlady " - diýip, howa boýunça hünärmen Luiji Pasotti belleýär.
Alymlaryň sözlerine görä, kölüň doly guramagy biodürlüligiň ýok bolmagyna getirer, sebäbi onuň suwlarynda balyk, mollýusklar we mikro oňurgaly haýwanlar ýaşaýardy.
Sisiliýa eýýäm birnäçe aý bäri ygal ýetmezçiliginden ejir çekýär we Italiýanyň hökümeti adatdan daşary ýagdaý yglan etdi. Guraklyk sebitiň oba hojalygyna, esasanam, şetdaly we zeýtun ýaly miweleriň ýetişdirilişine howp salýar. Daýhanlar suwy galdyrylan bahadan satyn almaga mejbur bolýarlar.
Pasottiniň sözlerine görä, oba hojalygy ykdysadyýet üçin möhüm ähmiýete eýe bolan Sisiliýada soňky 12 aýda bary-ýogy 250 mm ygal düşüpdir.
