Türkiýe bilen Türkmenistanyň arasyndaky haryt dolanyşygy 2023-nji ýylyň ýanwar – mart aýlarynda 541,05 mln ABŞ dollaryna barabar boldy. Bu barada Türkiýäniň Statistika institutyna salgylanyp, Trend habar berýär.
Habar berlişi ýaly, bu geçen ýylyň ilkinji üç aýyndaky görkezijiden (424,67 mln dollar) 27,4 göterim köpdür.
Edaranyň maglumatlaryna görä, 2023-nji ýylyň ýanwar – mart aýlarynda Türkmenistanyň Türkiýä eksporty 306,06 mln dollar boldy, bu bolsa 2022-nji ýylyň degişli döwründäki görkezijiden (227,4 mln dollar) 34,6 göterim köpdür.
Şu ýylyň ilkinji üç aýynda Türkmenistan Türkiýeden importy 2022-nji ýylyň degişli döwri (197,27 mln dollar) bilen deňeşdirilende, 19,1 göterim – 234,99 mln dollara çenli ýokarlandyrdy.
Belläp geçsek, 2022-nji ýylda Türkiýe bilen Türkmenistanyň arasyndaky haryt dolanyşygy 2,06 mlrd ABŞ dollaryna ýetdi, bu 2021-nji ýylyň görkezijisinden (1,69 mlrd dollar) 21,8 göterim köpdür.
