Tesla-nyň baş direktory Ilon Mask kompaniýanyň täze işgärlerini, şol sanda potratçylaryny diňe hut öz şahsy tassyklamasy bilen işe aljakdygyny aýtdy. Praým agentliginiň habaryna görä, bu barada Reýter agentliginiň elektron hatynyň tekstinde aýdylýar.
Maglumata görä, Mask ýolbaşçylara her hepde işe kabul etmek hakyndaky ýüz tutmalaryň sanawyny ibermegi, şeýle ýüz tutmalary tabşyrmazdan ozal "gowuja pikirlenmegi" tabşyrypdyr.
Mask: "Tesla, hatda potratçy hökmünde-de, meniň ýazmaça tassyklamamy alýança hiç kim goşulyp bilmez" - diýdi.
Geçen aý kompaniýa bazar çaklamalaryndan pes bolup, iki ýylyň içinde iň pes çärýeklik jemi tapawudy ýerleşdirdi. Islegi höweslendirmek we ösýän bäsdeşlige hötde gelmek üçin ABŞ we Hytaý ýaly bazarlarda bahalary birden arzanlatdy.
Tesla Reuters-iň düşündiriş bermek baradaky haýyşyny jogapsyz galdyrdy.
Geçen hepde Mask NBCUniversal mahabat bölüminiň öňki ýerine ýetiriji başlygy Linda Ýakkarinony Twitteriň täze baş müdiri edip belledi. Ol anna güni Ýakkarinony işe almagyň oňa Teslanyň dolandyrylyşyna has köp wagt sarp etmäge mümkinçilik berjekdigini aýtdy.
