14-nji maýda Türkiýede geçirilen prezident saýlawlarynda dalaşgärleriň hiç biri hem 50%-den köp ses alyp bilmediler, şunuň bilen baglylykda ýurtda saýlawlaryň ikinji tapgyry geçiriler. Ol 28-nji maýda geçer diýip, duşenbe güni göni ýaýlymda Türkiýäniň Merkezi saýlaw toparynyň başlygy Ahmet Ýener habar berdi.
"Prezident saýlawlarynyň ikinji tapgyry 28-nji maýda geçer" - diýip ol aýtdy.
Onuň aýtmagyna görä, ýerli wagt bilen 15:15-e çenli ýagdaýa görä (17:15 aşg. wagt) saýlaw gutularynyň 100%-i açylandan soň, häzirki Prezident Rejep Taýyp Ärdogan 49,51% ses, oppozisiýadan dalaşgär Kemal Kylyçdaroglu - 44,88% ses, «Ata» syýasy bloguň wekili Sinan Ogan — 5,7% ses aldy.
Saýlawçylaryň saýlawlara gatnaşygy 88,92% boldy.
Ikinji tapgyrda Türkiýäniň iň ýokary döwlet wezipesine Ärdogan bilen Kylyçdaroglu dalaş eder. Garşydaşyndan köp ses gazanan dalaşgär ýeňiji bolar.
14-nji maýda Türkiýede prezident we parlament saýlawlary geçirildi. Onuň netijeleri boýunça 600 orunlyk parlamentde Ärdoganyň ýolbaşçylygyndaky partiýa sesleriň aglabasyny aldy.
