2023-nji ýylyň 11-nji maýynda agramy 125 tonna barabar bolan derman serişdeleri we lukmançylyk enjamlary, azyk we dokma önümleri ýüklenen ynsanperwer kerweni Türkmenistandan Owganystana ugrady diýip, Türkmenistanyň DIM-niň metbugat gullugy habar berdi.
Şeýle hem şu ýylyň 15-nji maýynda lukmançylyk-maslahat beriş kömegini amala aşyrmak üçin ynsanperwer kömek hökmünde Türkmenistanyň Saglygy goraýyş we derman senagaty ministrliginiň lukman işgärleriniň bir topary 2016-njy ýylda Hyrat welaýatynyň Turgundy obasynda Türkmenistan tarapyndan gurlan çaga dogrulýan öýünde gider.
Türkmenistanyň DIM-niň bellemegine görä, türkmen halkynyň gadymdan gelýän ynsanperwerlik däp-dessurlara we ýörelgelerine esaslanýan bu giňişleýin ynsanperwerlik çäresi türkmen döwletiniň Owganystana köp ýyllaryň dowamynda goldaw bermek boýunça alyp barýan işleriniň dowamy bolmak bilen, türkmen we owgan halklarynyň arasynda däp bolan dostluk, doganlyk we hoşniýetli goňşuçylyk gatnaşyklaryny ösdürmäge hyzmat edýär.
