Wenesuela ýurda gelýän syýahatçylar üçin ähli kowide garşy çäklendirmeleri ýatyrdy. Bu barada respublikanyň Milli raýat awiasiýasy institutyna (INAC) salgylanyp, Observador gazeti ýazýar. Muny interfax.ru ýetirýär.
“Bu düzgüniň hökmany tertipde we haýal etmän ýerine ýetiriljekdigini bellemek möhümdir” – diýip, INAC-yň baş müdiri Aniru Padron Brito aýtdy.
Onuň sözlerine görä, awiakompaniýalar we pudak edaralary ýakyn wagtda kowid çäklendirmeleriniň ýatyrylýandygy barada resmi habar alarlar.
Öň, syýahatçylaryň ýurda gelmegi üçin doly sanjym alandygy baradaky şahadatnama talap edilýärdi, 5 ýaşdan uly sanjym edilmedik raýatlara bolsa gatnawyň gelmezinden 72 sagat öň edilen PZR barlagynyň otrisatel netijesi bolan şahadatnama gerekdi.
