Amerikanyň lideri Jo Baýden, wise-prezident Kamala Harris, Microsoft korporasiýasynyň baş direktory Satýa Nadella, Google-yň we Alphabet-iň baş direktory Sundar Piçai penşenbe güni Ak tamda emeli aň bilen bagly töwekgelçilikleri ara alyp maslahatlaşdylar. Bu barada Waşingtonyň administrasiýasynyň başlygynyň metbugat gullugynyň ýazmaça beýanatynda aýdylýar.
Duşuşyga ChatGPT emeli aňyň esasynda çat-bot döreden Amerikanyň OpenAI kompaniýasynyň baş direktory Sem Oltmen we OpenAI-yň öňki işgärleri tarapyndan döredilen Anthropic kompaniýasynyň baş direktory Dario Amodei hem gatnaşdy.
“Baýden önümlerini hödürlemezinden we paýlamazyndan ozal olaryň howpsuzlygyny we ygtybarlylygyny üpjün etmekde esasy jogapkärçiligiň kompaniýalaryň öz üstüne düşýändigini nygtady" diýip resminamada bellenýär.
Duşuşyga gatnaşyjylar "emeli aň bilen bagly töwekgelçilikler babatyndaky ätiýaçlanmalaryny paýlaşdylar".
