24-nji aprelde ABŞ-a iş saparynyň çäklerinde Türkmenistanyň Daşary işler ministri Raşid Meredow bilen ABŞ-nyň Döwlet sekretary Entoni Blinkeniň arasynda duşuşyk geçirildi. Diplomatlar ikitaraplaýyn, sebit we halkara gün tertibi, Owganystandaky häzirki ýagdaý we owganara gepleşikleri ösdürmek boýunça meseleleriň giň gerimini ara alyp maslahatlaşdylar.
Gepleşikleriň dowamynda taraplar Merkezi Aziýa döwletleriniň we ABŞ-nyň arasynda köpugurly hyzmatdaşlygyň mundan beýläk-de giňelmeginiň sebitde durmuş-ykdysady ösüşiň, parahatçylygy, durnuklylygy we howpsuzlygy saklamaklygyň möhüm faktory bolup durýandygyny nygtadylar. Şeýle hem C5+1 formatda hyzmatdaşlygyň pugtalandyrylmagyna gyzyklanma bildirildi.
