Türkmenistanyň käbir sebitlerinde yssy howanyň derejesi +42°-dan geçip, iň ýokary temperaturanyň soňky rekordynyň yzýany, sanlyja günüň içinde täzeden rekord goýuldy, ýöne bu gezek iň pes temperatura boýunça hasaba alyndy.
17-nji aprelde Ýerbentde howa gözegçilikleri döwründe günüň iň pes temperaturasy boýunça rekord goýuldy. Iň pes temperatura +2,4° boldy, 1959-njy ýyldan - howa stansiýasy açylandan bäri beýle sowuk bolmandy.
Soňky ýyllarda aprel aýynda sowuk howanyň güýçli, ýöne gysga wagtlyk gaýdyp gelmegi eýýäm iki gezek bellige alyndy. Şeýlelik bilen, 2018-nji ýylyň 17-nji aprelinde Aşgabatda temperatura -0.8°-a çenli aşaklapdy we aýyň iň pes temperaturasynyň 1956-njy ýylda bellige alnan iň soňky rekordyny gaýtalapdy. 2020-nji ýylyň 9-njy aprelinde bolsa temperatura +1,5°-a çenli peselipdi.
Türkmenistanyň demirgazygynda çigrek howa hasaba alyndy. Könürgençde -0.4°-a çenli, Şasenemde 0°-a çenli sowuk boldy.
Şeýle güýçli temperaturanyň üýtgemeginiň sebäbi meridianlar boýunça howa aýlanyşygyň ýokarlanmagy bilen düşündirilýär, ýagny howa massalary günortadan demirgazyga we tersine, demirgazykdan günorta geçýär. Soňky birnäçe günüň dowamynda sebitde hut şeýle ýagdaýa syn edildi.
