Türkmenistanyň durmuş-ykdysady, jemgyýetçilik-syýasy we medeni-ynsanperwer ulgamlarynda alnyp barylýan işlere erkekleriň we aýallaryň deň derejede gatnaşmagyny üpjün etmek maksady bilen döwlet Baştutany Karara gol çekdi.
Resminama laýyklykda, «Türkmenistanda gender deňligi boýunça 2026 – 2030-njy ýyllar üçin Hereketleriň milli meýilnamasy» tassyklanyldy.
Bu resminama Türkmenistanyň halkara şertnamalar esasynda öz üstüne alan gender deňligi baradaky borçnamalaryna ygrarlydygyny görkezmäge we ony iş ýüzünde amala aşyrmak mümkinçiliklerini artdyrmaga gönükdirilendir.
Karara laýyklykda, ähli ministrliklere, pudaklaýyn dolandyryş edaralaryna, ýerine ýetiriji häkimiýetiň ýerli edaralaryna hem-de ýerli öz-özüňi dolandyryş edaralaryna meýilnamada göz öňünde tutulan çäreleriň ýerine ýetirilmegini üpjün etmek tabşyryldy.
