7-nji iýunda Awazadaky «Tolkun» kottej toplumynyň kenarynda ýoga boýunça ussatlyk sapagy geçirildi. Bu çäräni her ýylyň 21-nji iýunynda bellenilýän Halkara ýoga gününi bellemegiň çäklerinde Hindistanyň Türkmenistandaky ilçihanasy gurady.
Ýoga çäresine ýaşlar, Türkmenbaşy şäheriniň ýaşaýjylary we şypahana-sagaldyş merkezlerinde dynç alýan raýatlar işjeň gatnaşdy.
Gatnaşyjylar ýörite hünärmeniň ýolbaşçylygynda ýoganyň adaty asana we pranaýama (dem alyş) maşklaryny ýerine ýetirdi. Okuw sapagy tamamlanandan soň, oňa gatnaşanlaryň hemmesine miwe gowşuryldy.
Hindistanyň Türkmenistandaky ilçihanasy türkmen hyzmatdaşlary bilen bilelikde ýoga boýunça dürli çäreleri yzygiderli guraýar. Paýtagtymyz Aşgabadyň «Bagtyýarlyk» sport toplumynda Ýoga we adaty lukmançylyk merkeziniň açylmagyndan soň, ol ýerde hem ýerli mugallymlaryň gatnaşmagynda yzygiderli sapaklar guralýar.
Hazar deňziniň kenaryndaky şeýle dabaraly çäreler eýýäm yzygiderli üç ýyl bäri geçirilýär.
