Günorta-Gündogar Aziýa ýurtlarynda soňky dört hepdede kowid bilen keselleme hadysasy geçen degişli döwür aralygy bilen deňeşdirilende 481% ýokary boldy. Bu barada Bütindünýä saglygy goraýyş guramasy özüniň hepdelik hasabatynda habar berdi diýip, TASS belleýär.
"28 günlük aralykda hasaba alnan täze hadysalaryň sany alty sebitde peseldi: Afrika (minus 45%), Ýuwaş umman sebitiniň günbatary (minus 39%), Demirgazyk we Latyn Amerikasy (minus 33%) hem-de Ýewropa (minus 22%). Şol bir wagtyň özünde kesel hadysasy iki sebitde ýokarlandy: Günorta-Gündogar Aziýa (+481%) we Gündogar Ortaýer deňzi (+144%)" - diýlip, hasabatda bellenilýär.
Umuman, dünýäde 3 mln täze kowid hadysasy, şeýle-de kesel netijesinde 23 müňden gowrak ölüm hadysasy hasaba alyndy. Bu 13-nji fewraldan 12-nji mart aralygyndaky 28 günlük döwür bilen deňeşdirilende 28% we 30% pesdir.
