Şu gün, 26-njy martda türkmen halkynyň Milli Lideri, Halk Maslahatynyň Başlygy Gurbanguly Berdimuhamedow Türkmenistanyň Mejlisiniň deputatlarynyň, halk maslahatlarynyň we Geňeşleriň agzalarynyň saýlawlaryna gatnaşdy.
Ir bilen Gurbanguly Berdimuhamedow Aşgabat şäheriniň Köpetdag etrabynyň çäginde ýerleşýän Annanyýaz Artykow adyndaky 68-nji ýöriteleşdirilen orta mekdebindäki 48-nji saýlaw uçastogyna geldi.
Türkmen halkynyň Milli Lideri ýörite taýýarlanan ýerde guta býulleten atmak bilen, mynasyp gören dalaşgärlerine ses berdi.
Jemgyýetçilik-syýasy çäräniň geçirilýän ýerinde ýurdumyzyň köpçülikleýin habar beriş serişdeleriniň wekilleri Gurbanguly Berdimuhamedowa özlerini gyzyklandyrýan sowallary bilen ýüzlendiler.
