Şu gün irden Prezident Serdar Berdimuhamedow Türkmenistanyň Mejlisiniň deputatlarynyň, halk maslahatlarynyň we Geňeşleriň agzalarynyň saýlawlarynda ses bermek üçin Aşgabadyň Köpetdag etrabynyň çäginde ýerleşýän Annanyýaz Artykow adyndaky 68-nji ýöriteleşdirilen orta mekdebindäki 48-nji saýlaw uçastogyna bardy.
Döwlet Baştutany saýlaw uçastogynyň ses bermek üçin niýetlenen ýerine baryp, iň mynasyp gören dalaşgärlerine ses berip, özüniň konstitusion hukugyny berjaý etdi.
Türkmenistanyň Prezidenti her bir dalaşgäre üstünlik, saýlaw toparlarynyň agzalaryna bolsa bu möhüm jemgyýetçilik-syýasy çäräni netijeli geçirmegi arzuw edip, saýlawlaryň tutuş ýurdumyz boýunça ýokary guramaçylyk derejesinde geçjekdigine ynam bildirdi.
