Düýn, 18-nji martda Türkiýede prezident we parlament saýlawlary boýunça saýlaw möwsümi başlady. Ol 13-nji maýa, ýagny "dymyşlyk güni" yglan edilýänçä dowam eder. Ses berişligiň özi 14-nji maýda geçiriler, zerur bolsa prezident saýlawlarynyň ikinji tapgyry 28-nji maýda geçiriler.
"Saýlaw senenamasy" şu hepde Türkiýäniň Ýokary saýlaw geňeşi tarapyndan tassyklandy. Merkezi saýlaw toparynyň kararyna görä, prezidentlige dalaşgärleri hödürlemek 19-njy martda başlar we 23-nji martda tamamlanar, dalaşgärleriň sanawy 31-nji martda hökümetiň metbugat çaparynda çap ediler, şondan soň olar saýlawdan öňki kampaniýalara başlap bilerler diýip, şenbe güni TRT teleýaýlymy habar berdi.
Saýlawlara gatnaşjak syýasy partiýalar ýa-da kärdeşler arkalaşyklary 24-nji martda günüň ahyryna çenli dalaşgärleriniň sanawyny MST-na tabşyrmaly.
Türkiýäniň häzirki prezidenti Rejep Taýyp Ärdogan saýlaw geçirmek barada permana 10-njy martda gol çekdi. Ilkibaşda saýlawlar 18-nji iýuna meýilleşdirilipdi.
