Türkmenistan Keniýa Respublikasy bilen diplomatik gatnaşyklary ýola goýdy. Bu barada Türkmenistanyň BMG-niň ýayndaky Hemişelik wekilhanasynyň metbugat gullugy habar berdi.
14-nji martda Nýu-Ýorkda Türkmenistanyň BMG-niň ýanyndaky Hemişelik wekili Aksoltan Ataýewa bilen Keniýa Respublikasynyň BMG-däki wekili Martin Kimani diplomatik gatnaşyklary ýola goýmak hakynda Bilelikdäki Beýannama gol çekdi.
Gol çekmek dabarasynyň öň ýanynda geçirilen gepleşikleriň barşynda taraplar iki ýurduň arasynda dostlukly gatnaşyklary berkitmäge ygrarlylygyny mälim etdiler.
Halkara guramalarynyň çäginde hyzmatdaşlygyň möhüm ähmiýetini belläp, hemişelik wekiller Türkmenistan üçin bolşy ýaly, Keniýa üçin hem gyzyklanma döredýän BMG-niň Gün tertibiniň meselelerini maslahatlaşdylar.
