Russiýanyň täze «Elektro-L No. 4» meteohemrasy Ýuwaş ummanynyň üstünden gündogar uzaklygyň 165,8 °-da takmynan 36 müň km belentlikden Ýeriň täsin suratlaryny aldy. Enjam jemi iki sany - görünýän we infragyzyl diapazondaky suraty aldy.
“Elektro-L” seriýaly hemralaryň esasy aýratynlyklaryndan biri — ýygylygy 15 minuda çenli ýokary hilli hemra suratlaryny alyp bilmeklik ukybydyr. Munuň netijesinde hünärmenler howanyň gözegçiliginiň global meselelerini has netijeli çözüp, deňizleriň we ummanlaryň ýagdaýyny seljerip bilerler hem-de has netijeli, ýokary hilli howa çaklamalaryny alarlar.
”Elektro-L No. 4" hemrasy Baýkonurdan kosmosa uçuryldy. 9-njy martda enjam orbita girdi we bir gün soň uçarmansyz hemra Ýeriň ilkinji suratlaryny aldy. Jemi iki sany surat alyndy: görünýän we infragyzyl diapazonda. Ýokardaky suratda - görünýän görnüşde.
Munuň öňüsyrasynda Awstraliýadaky Sidneý uniwersitetiniň alymlary Ýeriň soňky 100 million ýylda nähili üýtgändigini görkezdiler. Hünärmenler bu döwürde Ýeriň geologiki üýtgemeleriniň jikme-jik modelini görkezdiler, bu ýerde derýalaryň, tektoniki plitalaryň hereketini, Bütindünýä ummanynyň derejesindäki üýtgeşmeleri we mineral çökündileri görüp bilersiňiz.
