Şu gün, 7-nji martda Daşkentde Owganystanyň goňşy döwletleriniň ýörite wekilleriniň birinji mejlisi öz işine başlady. Mejlisi Özbegistanyň Prezidentiniň Owganystan boýunça ýörite wekili Ismatulla Irgaşew açdy diýip, «Dunýo» agentligi habar berýär.
Mejlisiň işine Eýranyň, Hytaýyň, Pakistanyň, Russiýanyň, Täjigistanyň, Türkmenistanyň we Özbegistanyň wekiliýetleri gatnaşýar.
Mejlise gatnaşyjylar Owganystandaky häzirki ýagdaýy, şol sanda ynsanperwer ugurlary maslahatlaşarlar, ýurtda ýagdaýlary kadalaşdyrmak, uzakmöhletleýin parahatçylygy ýola goýmak boýunça taraplaryň özara gatnaşyklarynyň meselelerine degip geçerler.
Duşuşygyň çäklerinde Owganystanyň goňşy döwletleriniň ýörite wekilleriniň ikinji duşuşygynyň geçiriljek ýeri kesgitleniler.
Şeýle hem, taraplar Daşkentde Owganystana goňşy döwletleriň Daşary işler ministrlikleriniň ýolbaşçylarynyň 4-nji duşuşygynyň geçiriljek möhletlerini maslahatlaşarlar.
