Türkmenistany Saglygy goraýyş we derman senagaty ministrligi ÝUNISEF bilen bilelikde enäniň we çaganyň ýagdaýyna öýüne baryp seretmegiň netijeliligini ýokarlandyrjak ýurtda ilkinji mobil goşundyny tanyşdyrdylar. Bu barada ÝUNISEF-iň metbugat gullugynda habar berilýär.
Tejribede bu diýildigi, saglygy goraýyş işgärleri tarapyndan hödürlenilýän öýlere baryp görmek hyzmaty indi öňüni alyş çärelerini we maslahat beriş işlerini öz içine alar diýmegi aňladýar. Munuň özi enäniň we çaganyň saglyk ýagdaýynyň we iýmitlenişiniň gowulanmagyna, şeýle hem ösüşiň gidişindäki bozulmalary ir ýüze çykarmaga ýardam eder.
28-nji fewraldan 3-nji marta çenli üç sanly saýlanan Saglyk öýleriniň lukmançylyk işgärleri öýlere baryp görmek üçin täze mobil goşundyny ulanmak boýunça tälim okuwlaryny geçdiler. Lukmanlaryň bu topary ýakyn aýlarda bu mobil goşundyny synag eder, soňra bu goşundy tutuş ýurt boýunça başlangyç lukmançylyk-sanitar kömek derejesinde ýaýradylar.
