530 sany täze Toyota Corolla kysymly awtoulaglary Aşgabadyň taksi parkynyň üstüni ýetirdi. Häzirki zaman enjamlary bilen enjamlaşdyrylan ulaglar paýtagtymyzyň ýaşaýjylaryna we myhmanlaryna hyzmat etmäge taýýar. Bu barada penşenbe güni metbugat sahypalarynda habar berildi.
Täze awtoulaglar şeýle hem «Türkmenawtoulaglary» agentliginiň welaýat bölümlerine hem berildi. Ahal welaýatynda – 50 sany, Balkan welaýatynda – 34 sany, Daşoguzda – 80 sany, Lebap we Mary welaýatlarynyň hersinde – 85 sany täze Toyota Corolla we Hyundai Elantra awtoulaglary hereket edip başlady.
