Serdar Berdimuhamedow iş sapary bilen Azerbaýjana bardy

  • 02.03.2023 10:53
  • 17k+
Serdar Berdimuhamedow iş sapary bilen Azerbaýjana bardy

Şu gün, 2-nji martda Türkmenistanyň Prezidenti Serdar Berdimuhamedow iş sapary bilen Azerbaýjana bardy.

Geýdar Aliýew adyndaky Halkara howa menzilinde ýokary derejeli myhmanyň hormatyna hormat garawuly düzüldi. Serdar Berdimuhamedowy Azerbaýjanyň premýer-ministriniň birinji orunbasary Ýagup Eýýubow, daşary işler ministriniň orunbasary Halaf Halafow we beýleki resmi adamlar garşy aldylar.
Döwlet Baştutany saparyň çäklerinde Goşulyşmazlyk Hereketiniň COVID-19 bilen göreşmek boýunça Aragatnaşyk toparynyň Sammitine gatnaşar.
Azerbaýjan Respublikasynyň ýolbaşçylygynda geçiriljek Sammitiň dowamynda, COVID-19 pandemiýasynyň netijelerini ýeňip geçmek nukdaýnazaryndan hyzmatdaşlygy ösdürmek we giňeltmek ýaly möhüm meseleleri ara alyp maslahatlaşylar.
Şeýle-de, Türkmenistanyň Prezidentiniň Azerbaýjan Respublikasynyň Prezidenti bilen ikitaraplaýyn duşuşygy geçirmek meýilleşdirilýär. Ýokary derejeli duşuşygyň dowamynda özara bähbitli hyzmatdaşlygy mundan beýläk hem ösdürmegiň meseleleri boýunça pikir alşarlar.

Türkmenistan Hirosima we Nagasakiniň atom ýaragy bilen bombalanmagynyň ýatlama çärelerine gatnaşdy
düýn 23:14
3.1k+

Türkmenistan Hirosima we Nagasakiniň atom ýaragy bilen bombalanmagynyň ýatlama çärelerine gatnaşdy

Türkmenistanyň Ýaponiýadaky ilçisi A.Baýramow 6-njy awgustda Hirosimada we 9-njy awgustda Nagasakide agzalan ýapon şäherleriniň atom ýaragy bilen bombalanmagynyň 80 ýyllygyna bagyşlanan çärelere gatnaşdy. Bu barada Türkmenistanyň DIM-niň metbugat gullugy habar berdi...

Türkmenistanly karateçiler Samarkantda Merkezi Aziýa çempionatynda 16 medal gazandylar
düýn 23:08
1k+

Türkmenistanly karateçiler Samarkantda Merkezi Aziýa çempionatynda 16 medal gazandylar

Karate boýunça Türkmenistanyň milli ýygyndysy 3-13-nji awgust aralygynda Özbegistanyň Samarkant şäherinde geçirilýän adaty karate boýunça Merkezi Aziýanyň çempionatynda ýokary netijeleri görkezdiler. Ýaryşyň netijelerine görä türkmen türgenleri 9 altyn, 3 kümüş we 4 bürünç medal gazandylar...

Koreýa Respublikasynyň ilçisi Türkmenistandaky diplomatik işini tamamlady
düýn 23:03
540

Koreýa Respublikasynyň ilçisi Türkmenistandaky diplomatik işini tamamlady

11-nji awgustda Türkmenistanyň daşary işler ministriniň orunbasary Ahmet Gurbanow ýurdumyzda özüniň diplomatik işini tamamlaýan Koreýa Respublikasynyň Türkmenistandaky Adatdan daşary we Doly ygtyýarly ilçisi Ji Kýu-Tek bilen duşuşdy...

Türkmenistanyň we Çad Respublikasynyň diplomatlary hyzmatdaşlygy ösdürmek mümkinçiliklerini maslahatlaşdylar
düýn 23:00
451

Türkmenistanyň we Çad Respublikasynyň diplomatlary hyzmatdaşlygy ösdürmek mümkinçiliklerini maslahatlaşdylar

9-njy awgustda “Awaza” milli syýahatçylyk zolagynda Türkmenistanyň daşary işler ministriniň orunbasary Ahmet Gurbanow Çad Respublikasynyň daşary işler, afrikan integrasiýasy we daşary ýurtdaky çadlylaryň işleri boýunça ministri - wekili Fatima Aljina Garfa bilen duşuşdy...