Şu gün, 11-nji fewralda günüň ikinji ýarymynda Türkmenistanyň Halk Maslahatynyň Başlygy Gurbanguly Berdimuhamedow Birleşen Arap Emirlikleriniň Prezidenti Şeýh Mohammed bin Zaýed Al Nahaýýan bilen duşuşdy. Duşuşyk «Al Şatiýe» köşgünde geçirildi.
Gurbanguly Berdimuhamedow BAE-niň Prezidenti Şeýh Mohammed bin Zaýed Al-Nahaýýana aýalynyň ejesi Şeýha Marýam bin Abdullah bin Sulaýem Al Falasiniň aradan çykmagy zerarly gynanç bildirdi.
Duşuşygyň dowamynda iki ýurdyň arasynda energetika, ulag we kommunikasiýa, ýol üpjünçilik ulgamlary, senagat kooperasiýasy, oba hojalygy, gämi gurluşyk, ýokary tehnologiýaly ýaly ugurlarda, şeýle hem möhüm taslamalary durmuşa geçirmekde BAE-niň maliýe guramalary bilen hyzmatdaşlygyň ösdürilýändigi bellenildi. Türkmenistanyň Prezidentiniň geçen ýylyň noýabrynda Birleşen Arap Emirliklerine amala aşyran sapary bu hyzmatdaşlygyň has-da giňeldilmegine goşmaça itergi berdi.
Duşuşygyň ahyrynda Türkmenistanyň Halk Maslahatynyň Başlygy BAE-niň Prezidentini özi üçin islendik amatly wagtda Türkmenistana gelmäge çagyrdy.
