11-nji fewralda Türkmenistanyň Halk Maslahatynyň Başlygy Gurbanguly Berdimuhamedow resmi sapar bilen Birleşen Arap Emirliklerine bardy.
Abu-Dabi şäheriniň Halkara howa menzilinde Gurbanguly Berdimuhamedowy BAE-niň Adalat ministri Abdullah bin Sultan bin Awad Al Nuaimi, BAE-niň Türkmenistandaky Adatdan daşary we Doly ygtyýarly ilçisi Ahmed Alhaý Alhameli, şeýle hem ýurdumyzyň resmi wekiliýetiniň agzalary garşyladylar.
Howa menzilinde Gurbanguly Berdimuhamedow BAE-niň Adalat ministri Abdullah bin Sultan bin Awad Al Nuaimi bilen söhbetdeş boldy.
Söhbetdeşligiň dowamynda Türkmenistanyň Halk Maslahatynyň Başlygy Birleşen Arap Emirlikleri bilen özara bähbitli we netijeli hyzmatdaşlygyň ösdürilmegine möhüm ähmiýet berýändigini nygtady.
Gurbanguly Berdimuhamedowyň sapar wagty kabulhanasy kaşaň «Emirates Palace» myhmanhanasynda ýerleşdi.
