Şu gün, 3-nji fewralda geçirilen Döwlet howpsuzlyk geňeşiniň giňişleýin göçme mejlisinde Prezident Serdar Berdimuhamedow başga işe geçmegi sebäpli, G.Annaýewi milli howpsuzlyk ministri wezipesinden boşadyp, degişli Permana gol çekdi. Bu barada «Watan» habarlar gepleşiginde habar berildi.
Serdar Berdimuhamedow Döwlet migrasiýa gullugynyň başlygy N.Atagaraýewi işde gazanan tejribesini göz öňünde tutup, milli howpsuzlyk ministri wezipesine belledi we ony Döwlet migrasiýa gullugynyň başlygy wezipesinden boşatdy.
Ministr bildirilen ýokary ynam üçin, tüýs ýürekden hoşallyk bildirip, ähli güýjüni we tejribesini bu edaranyň öňünde durýan wezipeleri ýerine ýetirmek ugrunda gaýgyrmajakdygyny ynandyrdy.
