Aşgabada resmi sapar bilen gelen Russiýa Federasiýasynyň Döwlet Dumasynyň Başlygy Wýaçeslaw Wolodin hem-de wekiliýetiň agzalary «Halk hakydasy» ýadygärlikler toplumynda gül goýdular.
«Halk hakydasy» ýadygärlikler toplumy «Baky şöhrat», «Ruhy tagzym» hem-de «Milletiň ogullary» binagärlik kompozisiýalaryndan ybarat.
«Baky şöhrat» ýadygärligi Beýik Watançylyk urşunyň pidalaryna, «Ruhy tagzym» 1948-nji ýylyň 6-njy oktýabryndaky Aşgabat ýer titremesiniň pidalaryna, «Milletiň ogullary» ýadygärligi bolsa Gökdepe galasynyň pidalaryna bagyşlanýar.
Belläp geçsek, Wýaçeslaw Wolodiniň ýolbaşçylygyndaky wekiliýet 11 ýyldan bäri ilkinji gezek Aşgabada resmi sapar bilen geldi. Şu gün Döwlet Dumanyň Başlygynyň Prezident Serdar Berdimuhamedow hem-de Mejlisiň Başlygy Gülşat Mämmedowa bilen duşuşyklary geçirildi.
