Şu gün Aşgabatda Russiýa Federasiýasynyň Döwlet Dumasynyň Başlygy Wýaçeslaw Wolodin bilen Türkmenistanyň Prezidenti Serdar Berdimuhamedowyň duşuşygy geçirildi. Duşuşygyň barşynda Russiýa bilen Türkmenistanyň parlamentleriniň hyzmatdaşlygynyň meselelerini maslahatlaşdylar diýip, Döwlet Dumasynyň saýty habar berýär.
«Biziň ýurtlarymyzyň arasyndaky gatnaşyklar ösýär. Muňa köp babatda döwletlerimiziň Baştutanlary itergi berýär. Hut şonuň üçin hem ýurtlarymyzyň ýolbaşçylarynyň derejesinde kabul edilen çözgütleriň kanunçylyk binýadyny üpjün etmek, kararlaryň öz derejesinde kabul edilmegi, ýurtlarymyzyň bähbidine meseleleriň maslahatlaşylmagy üçin parlament ölçegleriniň çäginde mümkin bolan ähli zatlary etmegimizi wajypdyr» - diýip Wolodin belledi.
Wýaçeslaw Wolodiniň ýolbaşçylygyndaky Döwlet Dumasynyň wekiliýeti türkmen paýtagtyna düýn geldi. Bu sapar Dumanyň wekiliýeti üçin soňky 11 ýylda Türkmenistana ilkinji sapardyr.
