RF-niň Döwlet Dumasynyň Başlygy Wýaçeslaw Wolodin Aşgabatda Türkmenistanyň Mejlisiniň Başlygy Gülşat Mämmedowa bilen duşuşdy. Duşuşygyň barşynda iki ýurduň parlamentara hyzmatdaşlygynyň meseleleri maslahatlaşyldy.
«Parlament ölçegleri barada gürrüň edenimizde, esasy zat, dialogyň bolmagydyr» diýip, Wýaçeslaw Wolodin belledi. Uzak wagtlyk arakesmeden soň, hyzmatdaşlygyň täze formatlaryna çykmak möhümdir diýip, ol sözüniň üstüni ýetirdi.
«Siziň saparyňyz parlament gatnaşyklarynyň möhüm häsiýetini nygtaýar. Wladimir Putiniň hem-de Serdar Berdimuhamedowyň tagallalary mynasybetli Türkmenistan bilen Russiýa Federasiýasy strategiki hyzmatdaşlar bolup durýar» — Türkmenistanyň Mejlisiniň Başlygy belledi.
Duşuşyk wagtynda Wýaçeslaw Wolodin Gülşat Mämmedowany Moskwa sapar bilen çagyrdy.
