Dünýä pasportlarynyň reýtinginde Türkmenistan 90-njy orny eýeledi. Sanawy Henley & Partners kompaniýasy düzdi. Bu barada Trend agentligi sişenbe güni kompaniýa salgylanyp habar berdi.
Kompaniýanyň maglumatlaryna görä, Türkmenistanyň raýatlary wizasyz 53 ugra hereket edip bilýärler.
Reýtingde birinji orny Ýaponiýanyň pasporty eýeledi. Bu ýurduň raýatlary wiza almazdan ýa-da barjak ýerine baryp wiza almak şerti bilen 193 ýere baryp bilýärler. Bu görkeziji reýtingde iň soňky orunda ýerleşýän Owganystanyň pasportyndan 166 görkeziji artykdyr.
Belläp geçsek, Henley & Partners-iň pasport indeksi dünýäniň 227 sany döwletiniň we çäginiň wiza düzgünlerini seljerýär hem-de olary wizasyz girişi bolan döwletleriň sanawy bilen gatnaşdyrýar.
