Ilon Mask dünýäde 200 milliard dollardan gowrak pul ýitiren ilkinji adamdyr. Öz hasaplamalaryna salgylanýan Bloomberg elektrik awtoulag öndürijisi Tesla-nyň paýnamalarynyň pese gaçmagy sebäpli baýlygynyň köp bölegini ýitirdi diýip habar berýär.
Agentligiň belleýşi ýaly, iň ýokary derejedekä Ilon Maskyň baýlygy 340 milliard dollar bolupdy - telekeçi bu görkezijä 2021-nji ýylyň 21-nji noýabrynda ýetipdi. Muňa garamazdan, dekabr aýynyň soňky hepdelerinde Maskyň maýasy 137 milliard dollara çenli azaldy, esasanam Tesla-nyň paýnamalarynyň bahasynyň arzanlamagy muňa sebäp boldy.
Soňky bir hepdäniň dowamynda Tesla 85 milliard dollar arzanlady, kompaniýanyň bazar kapitalizasiýasy 390 milliard dollara çenli azaldy diýip, Financial Times gazeti takyklaýar. Diňe bir ýylda Teslanyň bahasy iki esse düşdi, ýanwar aýynda 1,2 trillion dollar diýlip çaklanyldy. Maskyň Twitter sosial toruny satyn almagy maliýeleşdirmek üçin kompaniýanyň paýnamalaryny satmak kararyna gelmegi, şeýle hem maýadarlaryň elektrik ulaglaryny satmagyň geljegi baradaky aladalanmalary Teslanyň paýnamalaryna ýaramaz täsirini ýetirdi.
