Ýaponiýanyň Toyota Motor Corp awtokonserniniň prezidenti Akio Toýoda özüni zyýanly zyňyndylaryň bolmazlygyny gazanmak üçin diňe elektrokarlary öndürmeli diýen strategiýanyň dogrulygyna şübhelenýän «dymma köpçüligiň» biri hasaplaýar.
«Awtoulag senagatyna ulaşan adamlar, esasan, dymma köpçülikdir. Şol dymma köpçüligi elektromobil ýeke-täk opsiýa hasaplanýarmyka diýen sowal biynjalyk edýär. Şeýle-de bolsa olar muny (elektrokarlaryň önümçiligini) trend diýip pikir edýärler we pikirlerini aýtmakdan çekinýärler» - diýip, Toýoda özüniň Tailanda sapary wagtynda aýtdy.
Gibrid awtoulaglar we wodorod ýangyjy bilen işleýän awtoulaglar awtoulag senagatynda energetika geçmek strategiýasynyň möhüm bölegi hasaplanýar. Sebäbi çig malyň bahasynyň galýandygy sebäpli elektriki ulaglaryň önümçiligi barha gymmatlaýar, munuň ýaly ulaglara zarýad bermegiň infrastrukturasy bolsa dünýäniň aglaba ýurtlarynda entek ösmedik.
“Dogry jogabyň henizem düşnüksizligi sebäpli, biz diňe bir opsiýa bilen çäklenip oturmaly däl” – diýip, The Wall Street Journal neşiri Toýodanyň sözlerini getirýär.
