Özbegistanyň Şahrisabz şäheri 2024-nji ýyl üçin Ykdysady hyzmatdaşlyk guramasynyň syýahatçylyk paýtagty hökmünde saýlandy.
Degişli karar 13-nji dekabrda onlaýn görnüşde geçirilen YHG döwletleriniň syýahatçylyk ministrleriniň dördünji mejlisiniň netijesinde kabul edildi. Özbegistanyň premýer-ministriniň orunbasary, Syýahatçylyk we medeni miras ministri Aziz Abduhakimow mejlisi açmak bilen, syýahatçylygyň ösüşe esasy ýardam edijileriň biri we medeni däp-dessurlaryň hem gymmatlyklaryň üstüni ýetirmek arkaly sebitiň halklaryny birleşdiriji berk köpri bolup hyzmat edýändigini belledi.
YHG-niň Baş sekretary Husraw Noziri syýahatçylyk pudagynyň YHG-niň 2025-nji ýyla çenli Garaýyşlaryna laýyklykda guramanyň ösüş üçin ileri tutulýan möhüm ugurlarynyň hataryna goşulandygyny belledi. Onuň aýtmagyna görä, YHG sebiti ÝUNESKO tarapyndan hasaba alnan Bütindünýä mirasynyň 74 obýekti üçin öý bolup, dürli syýahatçylyk potensialyna eýedir.
Duşuşyga gatnaşyjylar YHG sebitinde COVID-19-dan soň syýahatçylygyň dikeldilmegine, howpsuz we durnukly ösüşe ýardam bermek boýunça agza döwletleriň arasyndaky hyzmatdaşlyk üçin umumy esas hökmünde “Ýol kartasyny” kabul etdiler we Özbegistanyň Şahrisabz we Türkiýäniň Erzurum şäherlerini, degişlilikde, 2024-nji we 2025-nji ýyllar üçin YHG-niň syýahatçylyk paýtagtlary hökmünde saýladylar.
Mundan başga-da, syýahatçylyk pudagynda hyzmatdaşlyk barada Samarkant jarnamasy kabul edildi we yglan edildi.
YHG-niň syýahatçylyk ministrleriniň 5-nji mejlisi 2023-nji ýylda Eýranyň Ardebil şäherinde geçiriler.
