Raşid Meredow «Türkmenistanyň ussat diplomaty» nyşany bilen sylaglandy

  • 10.12.2022 02:45
  • 18k+

Türkmenistanyň Prezidentiniň karary bilen, wise-premýer, daşary işler ministri Raşid Meredow «Türkmenistanyň ussat diplomaty» diýen tapawutlandyryş nyşany bilen sylaglanyldy.

9-njy dekabrda geçirilen giňişleýin Hökümet mejlisiniň barşynda Prezident Serdar Berdimuhamedow wise-premýer R.Meredowyň köp ýyllardan bäri Türkmenistanyň Daşary işler ministrligine ýolbaşçylyk edip gelýändigini, onuň Garaşsyz, Bitarap döwletimiziň daşary syýasatyny kämilleşdirmekde, dünýäniň dürli ýurtlary bilen döwletimiziň dost-doganlyk gatnaşyklaryny ýola goýmakda we ösdürmekde uly işleri bitirendigini belledi. 
Şoňa görä-de, Serdar Berdimuhamedow daşary ýurtlarda döwletimiziň bähbitlerini goramakda gazanan uly üstünliklerini hem-de diplomatik gullugy ulgamynda köp ýyllaryň dowamynda çeken zähmetini nazara alyp, R.Meredowy «Türkmenistanyň ussat diplomaty» diýen tapawutlandyryş nyşany bilen sylaglamak barada karara gelendigini habar berdi hem-de bu baradaky resminama gol çekdi.


düýn 14:33
6k+

Serdar Berdimuhamedow Awazada BMG-niň maslahatynda Türkmenistanyň başlangyçlaryny öňe sürdi

Şu gün "Awaza" milli syýahatçylyk zolagynda açylan Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynda Türkmenistanyň Prezidenti Serdar Berdimuhamedow çykyş etdi...

düýn 14:21
9.2k+

Şawkat Mirziýoýew Türkmenistanyň «Hyzmatdaşlygy ösdürmäge goşandy üçin» ordeni bilen sylaglanyldy

5-nji awgustda Özbegistanyň Prezidenti Şawkat Mirziýoýew Türkmenistanyň iň ýokary döwlet sylagy — “Hyzmatdaşlygy ösdürmäge goşandy üçin” ordeni bilen sylaglandy. Sylaglamak dabarasy Awazada geçirilen Merkezi Aziýa döwletleriniň Baştutanlarynyň ýedinji Konsultatiw duşuşygyna taýýarlyk çäreleriniň çäginde geçirildi...

düýn 14:06
4.6k+

Merkezi Aziýa döwletleriniň Baştutanlarynyň ýedinji Konsultatiw duşuşygyna taýýarlyk boýunça forum geçirildi

Şu gün Awazada ýerleşýän Kongres merkezinde Merkezi Aziýa döwletleriniň Baştutanlarynyň ýedinji Konsultatiw duşuşygyna taýýarlyk görmek bilen bagly çäre geçirildi. Forum Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirildi...

düýn 13:55
3.6k+

BMG-niň Baş Assambleýasynyň başlygy deňze çykalgasy bolmadyk ýurtlary goldamagy ählumumy jogapkärçilik diýip atlandyrdy

BMG-niň Baş Assambleýasynyň 79-njy mejlisiniň başlygy Filemon Ýang BMG-niň Deňze çykalgasy bolmadyk döwletler boýunça üçünji maslahatynyň ýokary derejede guralandygy hem-de myhmansöýer kabul edilendigi üçin Türkmenistanyň ýolbaşçylaryna we halkyna minnetdarlyk bildirdi...