BSGG maýmyn mamasynyň täze adynyň mpox boljakdygyny mälim etdi

  • 29.11.2022 16:44
  • 7441
BSGG maýmyn mamasynyň täze adynyň mpox boljakdygyny mälim etdi

Bütindünýä Saglygy goraýyş guramasynyň (BSGG) resminamalarynda maýmyn mamasy indi mpox diýlip atlandyrylar. Ýylyň dowamynda täze at bilen bir hatarda öňki resmi at hem ulanylar diýip, BSGG-niň Ženewadaky ştab-kwartirasy habar berdi. Muny TASS ýetirýär.

“Dünýäniň hünärmenleri bilen geçirilen birnäçe maslahatyň netijesinde BSGG maýmyn mamasynyň (iňlisçe, monkeypox) sinonimi hökmünde täze “mpox” adalgasyny ulanyp başlar” – diýlip, habarda aýdylýar.
“Maýmyn mamasy” adynyň ulanylyşy kem-kemden bes edilýänçä, ýylyň dowamynda atlaryň ikisi-de bir wagtyň özünde ulanylar” – diýip, gurama belleýär.

BSGG geçirilen köpçülikleýin we şahsy duşuşyklarda birnäçe adamyň we ýurduň biynjalyk bolandygyny we BSGG-den keseliň adyny üýtgetmegiň ýoluny teklip etmegi haýyş edendigini düşündirýär. Bu şu ýylyň başynda dünýäde maýmyn mamasy ýaýrandan soň BSGG-e birnäçe ýurtda “käbir jemgyýetlerde”, şeýle-de “onlaýn” “jynsparaz we kemsidiji sözleriň” eşidilýändigi baradaky habarlaryň gelip gowuşmagy bilen baglanyşyklydyr.
BSGG-niň baş direktory Tedros Adhanom Gebreýesus maýmyn mamasy üçin “täze iňlis dilindäki sinonim – mpox-y” ulanmagy maslahat berdi. “Bir ýyllyk geçiş döwründen soň mpox ileri tutulýan adalga bolar” – diýip, gurama jemleýär. Ol Keselleriň halkara klassifikasiýasyna giriziler.


düýn 16:28
9590

BSGG pandemiýa zerarly 3 ýyl bäri hereket edýän adatdan daşary ýagdaý düzgüniniň möhletini uzaltdy

Bütindünýä saglygy goraýyş guramasy koronawirus ýokanjynyň pandemiýasy sebäpli ählumumy saglygy goraýyşda adatdan daşary ýagdaý düzgüniniň möhletini uzaltdy. Bu barada guramanyň adatdan daşary ýagdaý boýunça komitetiniň...

11.11.2022 13:35
4785

BSSG fewraldan bäri kowidden ýogalanlaryň sanynyň 90% azalandygyny habar berdi

Bütindünýä saglygy goraýyş guramasynyň (BSGG) baştutany Tedros Adhanom Gebreýesus COVID-19 bilen keselläp ýogalýanlaryň sanynyň fewraldan bäri 90% peselendigini oňyn öňe gidişlik hasaplady diýip, çarşenbe güni...

22.10.2022 15:39
4920

BSGG fiziki işjeňligiň peýdasy hakynda ýatlatdy

Bütindünýä saglygy goraýyş guramasy (BSGG) ýurtlaryň hökümetlerini ýürek-damar keselleriniň, semizligiň we süýji keseliniň öňüni almak üçin fiziki işjeňligi höweslendirmäge çagyrdy. Çarşenbe güni çap eden nutugynda...

30.09.2022 11:08
10053

BSGG: Ýaponiýa kowid bilen keselleme sany boýunça ýene-de lider boldy

Koronawirus pandemiýasy döwründe iň pes kesel görkezijileriniň hasaba alnan ýeri bolan Ýaponiýa bassyr onunjy hepde kowid hadysalarynyň sany boýunça dünýäde birinji orny eýeleýär. Bu Bütindünýä Saglygy Goraýyş...