Twitter sosial ulgamynyň işjeň ulanyjylarynyň sany geçen hepde 259,4 mln adama ýetdi, bu hem rekord görkezijidir. Bu barada kompaniýanyň ýolbaşçysy Ilon Mask habar berdi diýip, TASS belleýär.
Mask sosial ulgamyň ulanyjylarynyň sanynyň hepdeler boýunça – 2-nji oktýabrdan 20-nji noýabr aralygynda üýtgeýşiniň tertibini habara goşýar. Oktýabr aýynyň başynda işjeň ulanyjylaryň görkezijisi 250,5 mln adama barabardy, 20-nji noýabrda bolsa 259,4 mln adama ýetdi.
Germaniýanyň Statista statistika kompaniýasynyň maglumatlaryna görä, 2022-nji ýylyň ikinji çärýeginde 237,8 mln adam sosial ulgamdan işjeň peýdalandy. Ondan öňki görkezijiler hasam pes. Mask çärýek däl-de, hepdeler üçin statistikany berýär. Heniz şu ýylyň üçünji we dördünji çärýekleri üçin anyk maglumatlar ýok.
“Ýagdaý ep-esli gowlanar, sebäbi Twitter Demirgazyk Amerikanyň, Günbatar Ýewropanyň we Ýaponiýanyň çäginden daşary hem işjeň ulanylyp başlandy” – diýip, telekeçi belledi.
