100 ýyl 10 aý ýaşap ýogalan italýan zenany dünýäde iň garry donor boldy. Şenbe güni La Stampa gazetiniň habar bermegine görä, dünýä lukmançylygynyň tejribesinde 100 ýaşdan geçen adamlaryň beden agzalarynyň donor edilen ýagdaýy heniz bellige alynmandy.
Öz ajalyna ýogalan zenanyň bagryny başga adama goýmak üçin aldylar. Florensiýanyň hassahanasynda geçen operasiýa şowly boldy diýip, neşir takyklaýar.
Umuman, Italiýada gartaşyp ýogalan adamlar öň hem donor bolýardylar. 97 ýaşly donorlar Florensiýada 2019-njy ýylda, Grosettoda - 2018-nji ýylda, Rawennede 2008-nji ýylda we Sawonede 2003-nji ýylda bolupdy. Özboluşly rekorda öwrülen soňky ýagdaý bir aý töweregi mundan öň Marke oblastynda bolup geçipdi. Ol ýerde ýogalyp, bagryny donor beren aýal 97,5 ýaşdan geçipdi. Bu Italiýa üçin rekord hasaplandy.
